Supreme Court-i M/s Maytas-Gayatri mapa katitsü

Kohima, Jan 26 (NEPS) : Tawa Supreme Court (SC)-i Ministry of Road Transport & Highways (MoRT&H) dang M/s Maytas-Gayatri (JV) nem Nagaland nung – (1) Mon-Tamlu-Merangkong, (2) Longleng-Changtongya, (3) Phek-Pfutsero aser (4) Chakabama-Zunheboto nung gari lenmang lane ana asütsüsa yanglutsü agütsüba “Work Order-ji” katitsütsüla aser tanaben tender agütsüshitsüla ta obendang ka agütsüogo.
Iba mapa ya obendang agütsüba anogo i.e.ji January 11, 2017 nungi tenzüka iba mapa ya küm asem ser tesadang nung renemtsüla ta Supremer court-i obendang agütsü.
Ajisüaka, M/s Maytas-Gayatri (JV) nem parnok tangutsü aliba bill-bo meshitsü temelaba agütsüogo.
Tan Supreme Court-i obendang agütsüba ya state sorkari aginüba ama agütsüogo, kechiyong iba jagi nübortem ajangzüktsü ta Works & Housing, NPWD nung Sr.Legal Officer Temsü Soyah-i metetdaktsü.
Mapang kabo iba lenmang yanglutsüba sentong ya anenadoktsüla amato asü saka ajaki meranga inyakba ajanga supreme court-i nübortem nüngdakba reprangteta obendang tajung agütsüogo, anungji iba mapa ya jungjunga renemtettsüsa nisung ajaki yaritepdaktsüner ta paisa mepishia metetdaktsü.