Supreme Court-i Uniform Civil Code indang PIL magizük

New Delhi, December 07 (Agencies): Muslim tsürtem dang tim mesüi benshiba nokdangtsü asoshi Parliament-i Uniform Civil Code ka benoktsü atema Public Interest Legitation   (PIL) benoka liasü, ajisüaka tanü Hombar nü Supreme Court (SC)-i ibaji magizük.

Chief Justice TS Thakur-i aniba Supreme Court bench kati, iba onükji Parliament-i dang benoktettsü aser iba dak sentakba nung tetuyuba ka agütsütsü atema Supreme Court dak tashi mali, ta ashi.

Iba dak sentakba nung Chief Justice Thakur-i senior counsel, Gopal Subramaniam dang, item ama temepishibaji ozüng dak mepeti benokra court-i aibelener asütsü, ta ashi.

Supreme Courti-sa, kechiba timtem ajururtemi ibaji mebenok, ta ashi.

Iba PIL ji advocate, Ashwini Kumar Upadhyay-i benoka liasü.