Suresh Wadkar nem Padma Award agütsütsüla: Sonu Nigam

Dec. 16, 2015: Nüngtugu kentener Sonu Nigam-i, National Award takok angur Suresh Wadkar nem Padma Award agütsütsüla, ta shiogo.
Suresh-i küm 30 tashi music industry nung inyaka arur aser music nung pa mapa tajung atema Padma award agütsütsü dalang, ta Nigam-i ashi.
Bodhbar nü twitter ajanga Nigam-i, “Sorkari Wadkar nem Padma award ka agütsütsüla, kechiyong pa joko mapang talangka music industry nung inyaka arur saka pa nem linük nung civilian award asem– Padma Shri, Padma Bhushan aser Padma Vibhushan rognung kata agüja mali,” ta ashi.
“Suresh Wadkar ya temeim aketba nisung, aser nendaka inyakba tatishitsü aketba nisung ka lir, akümli mapang music mapa tajung atema pa nem Padma award ka agütsütsü tetemzü,” ta Nigam-i ashi.
“Tesayur ka ama Suresh-i küm shia music trained kaketshirtem nem sen 1000 agütsür, India nem agütsür. Iba ama mapa tajungji tushitsü tetemsü,” ta paisa shiesm.
Wadkar-i “Lagi aaj sawan ki”, “Tum se milke aisa laga”, “Chhod aaye hum woh galiyaan”, “Raat ke dhai baje” aser “Bol Radha bol” ama ken tajung aika tena lir aser pa nem”Hey bhaskara kshitijavari ya” ken (2011 küm Marathi film “Mee Sindhutai Sapkal” nungi) atema National Film Award, Best Male Playback agüja lir.
Pa ya classical kentener Padma den kibong akum.