‘Surgical strikes’ ya tiyazü: Nirupam

New Delhi, October 4 (Agencies): India Army-i LoC nung Pakistan-i yimsüsüba  Kashmir (PoK) tesem amak (Surgical Strikes) ta ashibaji tiyazü aser BJP-i ibaji ajanga parnok ajangzüktsü memerangtsüla, ta Mongolbarnü Congress lenir Sanjay Nirupam-i ashi.
“India nung nisung ajaki Pakistan anema Surgical Strikes odaktsüner. BJP-i tiyazü shia parnok ajangzüktsü memerangtsüla. Linük akoksatsüsa yimsü masütsüla,” ta Nirupam twitter ajanga lemsatep.
Maharashtra Congress lenir-i iba o ya September 28, 2016 aonung India army-i Line of Control nung PoK maka telungpur rocket akahba tesem 7 poksatsüba sülen jembiba lir.
Jammu & Kashmir Uri jila nung September 18, 2016 nü kiralongrartemi India sepai tesep amakdang India sepai 17 yangi tepset aser sepai 2 kanga mejungi yiruba ajanga mapang tatsüka lir mekümzükteti asü.
Aji oda süaka Mongolbarnü Congress-i Mumbai congress telen nung lenir Sanjay Nirupam-i jembiba o aitsüogo.
“Sonia Gandhi aser Rahul naprongi iba surgical strikes kanga nungiter aser congress-i army dak temulung alemer,” ta Congress-i ashi.
“DGMO (Director General of Military Operation)-i metetdaktsüba osang nung kecha ashishitsü mali. Tesüiba mapang nunga India sepaitemi yamai maka aruogo,” ta congress otongdar Randeep Surjewala-i ashi.
Congress lenir-i, UPA sorkar mapang nunga September 18, 2011, July 28, 2013 aser January 14, 2014 anogotem nung army temi tang amai LoC len makogo, ta ashi.