‘Survival Mokokchung’ atema rongdak senden amentsü

Dimapur, November 7 (TYO) : ‘Survival Mokokchung’ dak sendakba nung AKM-i November 12, 2016 nü AKM conference hall nung rongdak senden ka amentsü ayongzüker, ta AKM Vice President, Akummeren Longchar aser Assy. Gen. Secretary, S. Shilukaba Longchar nati sangdong ka nung metetdaktsü.
Sendenji nikongtsütsü 3:00 ako nungi amentsü aser ‘Survival Mokokchung’ Phase II – Tuli, Tzudikong aser Changtongya Town atema lir. Anungji, Tribunals, Senior Executive aser taoba AKM ketdangpurtem ajak arua adentsü mepishir, ta AKM mendenpurtemisa ashi.