‘Survival Mokokchung’ atema sangdong

Mokokchung, May 12 (TYO): May 16, 2016 nü nungi tenzüka Ao Kaketshir Mungdang (AKM)-i Langpangkong nung ‘Survival Mokokchung’ mapatong tenzüktsü, ta AKM tatong Tir, Akummeren Longchar aser Information & Publicity Secy., Anungba nati sangdong ka ajanga metetdaktsü.
AKM-i ozüng alema district-i arua aayangertem aser bendangertem mita census aoer aser maneni May 17 aser 18 nü Tuli aser Tzüdikong na nung iba mapatong akatsü.
Item anogotem nung Tuli aser Tzüdikong na nung non-local tem renewal aser registration tasen agitsü atema tamalen AKM-i metetdakja aliba ama nüngdakba kulikatettem bener arutsü sangdonger, ta kasa sangdong ajanga metetdaktsü.