Sushant Singh Rajput-i ‘Kedarnath’ film tangokzükogo

Aami 22, 2018 (Agencies): ‘Kedarnath’ film tangok tenzükdang director Abhishek Kapoor-i timtem aser tetsükdaktsü aika ajurua alitsü akok, saka tangbo iba project maparen tem kanga dang kara odar.
Osang ajanga angazkba agi, film yangluri iba project atema actor Sushant Singh Rajput indang shilem tem anogo 34 nung tangokzükmaogo. Bollywood film atema iba ya otsü tasen asütsü.
Taoba hopta Mumbai yimti nung Sushant-i film tangokba tembanga liasü aser film nung yariteper aser shilem agirtem ajungai iba sentong takok ngua tembangba ajanga benjongtepogo. Angazükba agi, iba film nung shilem agiba ama Sushant-i tanga film nung inyakdanga mali. Osang ajanga angazükba agi, Kedarnath film nung Sushant-i tourist escort ka shilem agir aser ‘Himalayan pilgrimage centre’ tonga pai tashi agi jaja-mera motettba tantsür aser tambur tem pongloker jajar.
Iba movie nung Sushant den külemi Amrita Singh aser Saif Ali Khan na jala, Sara Ali Khan natia shilem agir.