Sushila-i Nepal Chief Justice menden abentsü tenzüker

Kathmandu, April 15 (Agencies): Nepal’er mezüngbuba tetsür acting Chief Justice, Sushila Karki-i tanü, Hokolbar nü nungi tenzüka tematiba o bendanger menden aben tenzükogo.
Nepal linüki mezüngbuba tetsür Tir aser tetsür Parliament Speaker na shimer ita ishika süir külen arishi küm 63 tain Sushia tan mezüngbuba tetsür acting Chief Justice akümer lir.
Nepal’er Supreme Court nung tenzüker o bendanger tejen rong nung densemla, Sushila-i Varanasi kübok Banaras Hindu University nung Political Science nung Masters degree agia lir.
Ochi mashi inyakbaren khen yongji magizüker, Sushila-i tan Mongolbar nü anensang, taoba Chief Justice, Kalyan Shresthra melenzüka acting Chief Justice akümer lir.
Sushila ya Constitutional Council-i shim saka Parliamentary Hearing Committee (PHC)-i agizükba sülen ang la Chief Justice akümtsü.
“PHC-i agizükba sülen ang Sushila-i Chief Justice inyaktsü tenangzükba agitsü,” ta Supreme Court otongdar, Bishworaj Poudyal-ia osang jangjashitsüogo.