Sushma Swaraj Palestine aser Israel nati apusoa ogo

New Delhi, January 16 (Agencies): Honibarnü External Affairs Minister (EAM) Sushma Swaraj Palestine aser Israel nati linük tsüngda tesentaktep yanglushitsü asoshi New Delhi nungi apusoa ogo.
External affairs ministry otongdar, Vikas Swarup-i twitter ajanga, “West Asia tiyongtsüleni ogo. @SushmaSwaraj tang mezüng EAM ka ama Palestine aser Israel nati ogo,” ta ashi.
Sushma Swaraj den Secretary (East) aser external affairs ministry nung tangar ketdangsertem kari la mina ao.
Yaküm October ita nunga Tir Pranab Mukherjee-i Palestine semdanga liasü.
Deobarnü Sushma Swaraj-i Palestine lenirtem ajurutsü aser India-Palestine tesentakatep reprangshitsü. Iba sülen January 17-18 anogotem nung lai Israel semdangtsü.
EAM ka ama tang lai mezüng Israel semdanger. October ita nung Tir Mukherjee-ia Tel Aviv (Israel) semdanga liasü.
Sushma Swaraj-i Israel Tir Reuven Rivlin, Ato kilonser Benjamin Netanyahu, Defence Minister Moshe Ya’alon, National Infrastructure Minister Yuval Steinitz aser Israel tatartem ajurua senden amentsü, ta tanü ministry sangdong ka nung metetdaktsü.