Susmit Sen Chronicles-i yimti kar nung kentena jajatsü

Mumbai, September 01, 2016 : Susmit Sen Chronicles kentener teloki India anülolentip tesemtem sema ken tena jajatsü sentong lir. Iba sentong tenüng ‘Chronicles of the South’ ta jaloktsüogo aser tan ita tetenzüklen par teloki Thiruvananthapuram, Bengaluru aser Chennai yimtitem nung kentena jajatsü.
Nüngtugu fusion band, ‘Indian Ocean’ telok kümtetsang Susmit Sen-i iba telok nung lead guitar tema telok peladaktsüba sülen tang ano pai Chronicles sentong renema lir.
India classical music, western rock aser jazz music meyoktepa ken balala yangluba atema pa kanga nüngtugusüa jembir aser pai ano tang-a kentener aika den külemi lungjemer inyaker.
The Chronicles teloki September 6 nü Thiruvananthapuram, September 8 nü Bengaluru aser September 10 nü Chennai yimtitem sema kentena jajadang parnok kensep ‘Depths of the Ocean’ aser ‘Ocean to Ocean’ nung aliba ken tejen aser tasentem atentsü, ta sangdong ka ajanga metetdaktsü.