Sütsüng nung kongshi aser anep

“Kechiaser lai ashi, “Ni Pa sü nung danga kongshira ni anepadoktsü.” Mathi 9:21.

Tetsür ka küm terana azü ayimba tashitak tulu agi timtema liasü. La rongsen jenti indoka taneptsü bushi saka taneptsü mangu. Ysu-i aneptsüba otsü angashir liasü, aser Yisu ajanga la taneptsü angutsü ta amang. Saka lokti tulu agi meketbanger alibayong Yisu ajurutsü kanga tasak liasü. Talisa par tensa tashitakji, libaliro majungba nungi adoker ta jembi, anungji la temang nung tashitak ajanga timtemba dang masü saka maaksü khu tulu bener liasü.
Lokti tulu paitoka orr Yisu ajurutsü kanga tasak aser nümametangtetsüsa süaka, la asoshi tatembangtiba teimlaji Yisu dang liasü. Anungji lai tesülen nungi nungi orr Yisu sütsüng nung kongshitet aser idangjisa taneptsü angu. Yisu-i ashi, “tenu tasü itdang,” ne tamang agi na aneptsüogo! Maneptetba tashitak abenba ajanga nüburi sendoker maaksü tulu nung atsükoker akseta aliba takümi Yisu bushi aser la nüngdak Yisu-i peritsü. Yisu-i ashir, “Nenok tebelemer aser khuret abener ajak kü dangi arung aser ni nenok nem anisüngzük agütsüdi.” Mathi 11:27.
Sarasadem
Kibuba, Ne Tsüngdang tamakoktsü kecha mali, anungji ni Ne dangi kü timtem khuret bener arur, nai ni tesendokma. Amen.