Suu Kyi-i MP tasentem Parliament school-i yoker

Yangon, December 17 (Agencies): Myanmar lenila, Aung San Suu Kyi-i lar Member of Parliament (MP) yimsüsürtem nem Myanmar Parliament inyakyim shizükdaktsütsü maparen tenzükogo.

Taoba November ita agiba election nung Suu Kyi-i aniba National League for Democracy (NLD) yimtenren teloki takok tulu ngua sangküm 2016 küm tetenzüklen nungi tenzüka Myanmar yimsüsütsü tashi benoktsü tashi ngua lir.

Tan election nung takok angur NLD MP 390 shi sangküm February ita nungi tenzüka Myanmar madak yimsü asü tenzüktsü.

“Tan asensa shimba MP-temi yimtenren inyakyim meteta lir saka parnoki Parliament inyakyim junga meteta maliba yong parnok nem kasaji shizükdaktsütsü maparen tenzükogo,” ta NLD telok otongdar, Win Htein-i metetdaktsü.

Tan tenzükba tesayuba agütsütsü sentong ya Naypyidaw aser Yangon yimti na nung agitsü tenzükba osanga jangjaogo.