Suu Kyi’er kidang bomb mereploktsü

Yangon, Feb 01 (Agencies) : Tanü Brehostibarnü Yangon yimti nung awatsüng agi meketbanga aliba Myanmar lenir, Wt. Aung San Suu Kyi’er ki kimalen petrol enoka yangluba bomb ka mereploktsü. Tia junga iba mapang la kidang maliasü, ta sorkar otongsar kati metetdaktsü. AFP osang den jembidang otongdar, Zaw Htay-i ashiba agi, “Ibaji petrol bomb ka liasü.”
Ibaji bomb tilaka dang süaka, Myanmar nung democracy lenir tetsüti aoksadaktsütsü inyak südi; aji oda süaka, la anema yamala maparenbo meinyaker aser kechi nükjidong nung inyakar ashitsü makoker, ta Zaw-isa tongmelang agi metetdaktsü.