Suu Kyi’er teloki parliament nung menden timba takok nguogo

Yangon, November 13 (Agencies) : Hokolbarnü Aung San Suu Kyi’er National League for Democracy teloki parliament nung nübo timba takok ngutetogo aser iba ya ajanga tir shimba den sorkar tentettsü tashi nguogo.
1990 sülen Suu Kyi’er teloki mezüng toktepba election nung parnoki noklang nung shilem 80 den timba takok nguogo.
Union Election Commission nung osang metetdaktsüba sülen Hokolbarnü NLD-i asemsü nungi anasü nung takok angu aser ibaji parliamentary menden 348 anguba lir. Ano Commission-i menden kar indang osang memetetdaktsüi lir.
Küm 50 shi mitkartemi linük madak yimsü süa aruba sülen Myanmar nung Suu Kyi’er teloki yimtenren tensa melenshitsü mapang ka tonga aruogo. Nübo timba asüba yong Suu Kyi’er teloki parliament nung lower aser upper house naprong nung tashi tuluba angur aser iba jagi parnoki Tir shimba den sorkar tentettsü.
Elections nung takok tulu anguba sülen Suu Kyi-i Myanmar tir Thein Sein aser Army tanishisang Min Aung Hlaing na den “national reconciliation talks” alitsü ayongzükogo.