Suzuki Gixxer SF 250 MotoGP Edition India nung sayaogo

Luroi/August 7, 2019 (Agencies): Suzuki Motorcycle India Pvt. Ltd. (SMIPL) puri Gixxer SF 250 MotoGP edition, India nung sen lakh 1.71 agi sayaogo. Gixxer SF 250 MotoGP edition ya Suzuki Racing Blue colour aser 2019 Suzuki MotoGP machine, GSX-RR indang livery theme den kasa dang asütsü. Team Suzuki Ecstar decals nungi wheel pinstripes tashi Gixxer SF 250 MotoGP edition nung keta aliba angutsü.
Motorcycle tasenba sayaba indang jembidang Suzuki Motorcycle India Pvt. Ltd, Vice President Devashish Handa-i ashiba agi, “Gixxer SF 250 kanga takok ngua sayaba sülen Gixxer SF 250 MotoGP edition pelashishia sayar kong Suzuki racing DNA keta lir. Suzuki Racing Blue colour ya Suzuki tanüla aser race asütsü tejangraba maitsü lir. Tanü asüng den peta style süa yangluba den sporty design, engine tashi tait inokja aliba ajanga iba motorcycle indang racing character tali ajungkettsür. Gixxer brand tanga kanga junga agizükba ama iba motorcycle yaa nüburtemi kanga sapua agizüktsü ta onoki amanger.”
Iba motorcycle ya mechanical tsütsü 249cc den kasa dang asütsü kong Suzuki Oil Cooling System (SOCS) enabled four-stroke, single-cylinder fuel injection SOHC engine den SEP technology keta lir koba ajanga power-packed performance aser totzü tajemba atsüktsü tenangzükba agütsür.
India atema yangluba engine ajanga 9000rpm nung 26.5ps aser 7500rpm nung 22.6Nm agütsütsü. Bike nung speedometer ya digital asütsü aser iba den, LED headlamps & tail lamps, sporty dual muffler, premium brushed finish alloy wheels aser rear tyre hugger keta aliba angutsü. Iba motorcycle nung dual-channel Anti-Lock Brake System (ABS) keta lir koba ajanga brake kanga anepa puteter aser lenmang tamajung nung senzüba mapang sepdaka ayutsü nungi kümzüker.