Suzuki Intruder 150 India nung sayaogo

New Delhi, Metsüremi 17 (Agencies): Suzuki Motorcycle India Private Limited (SMIPL)-i advanced Fuel Injection inoka yangluba ‘Intruder’ 150cc crusier motorcycle sayaogo aser iba motorcycle jenjang ya sen 1,06,896 (ex-showroom, New Delhi) alitsü. Iba motorcycle ya 2017 Yimpoksüi (November) nung sayaa liasü. Tang Suzuki Intruder nung ‘Advanced Fuel Injection Technology’ aser sensor 6 inoka yanglua aliba angutsü. Iba sensor 6 ajanga combustion tajungba atema totzü kwi nüngdaker aji asadanger aser iba ajanga RPM (Revolution per Minute) nung ‘throttle response’ tajungba agütsür.
“Suzuki Intruder sayar külen nungi nüburtem takhangba aliba ajanga unit 15000 yokogo aser ajanga onoki yimlaba dang nungi shilem 25 agi timba yoketogo. Tanga cruiser segment nung Suzuki Intruder nung ABS aser Fuel Injection technology inoka yangluba ajanga iba motorcycle balaka kümdaktsür,” ta Sales & Marketing, SMIPL Executive Vice President, Mr Sajeev Rajasekharan-i metetdaktsü.
Iba motorcycle design tsütsü reprangdangra, Intruder ya nüngtugu Suzuki Intruder M1800R mesüka tulu aser twin exhaust design tem amshia yanglua lir. Iba motorcycle terprangtsüji nemzüka yangluba den wheelbase talang asüba ajanga kanga akhüm keta ngudaktsür.
Maneni, Fuel Injection inoka yangluba Intruder tasenba ya Metallic Oort/Metallic Matt Black No 2 aser Glass Sparkle Black/Metallic Matt Titanium Silver, ta sentsü ana nung angutsü.