Svetlana Alexievich-i 2015 Nobel Literature Prize agizüker

Stockholm, October 08 (Agencies): Sweden kübok Stockholm nung tentetba Nobel Prize ludeni Belarus tsür, Svetlana Alexievich nem 2015 Literature Prize agütsüogo.

Kaketzülur, Alexievich-i North Central Ukraine nung nuclear lendong atalokba, Afghanistan nung tongpang raraba aser akidang Soviet mapang aser Soviet linük balala küma sadanger tanü tashi nung tatalokba balala indang otsü züluba nüngtem nung la 2015 Nobel Literature sempet agütsütsü shimtet ta Nobel luden-i tanü metetdaktsü.

Alexievich-i asangsang atalokba otsü zülutsü tenzüker tanü tashi nung agizükba sempet rong nung tan agizükba Nobel sempet ya nungtugutiba aser tongtipangtiba sempet agizüker lir.

Kümshi tangar den alia inyaktetba takotet nisungtem shimteta medicine, physics, chemistry, literature, peace aser economics shilem nung Nobel Prize ya agüja arur.

Oslo aser Stockholm yimti na nung kümshi December ita sentong tajung ayonga Nobel sempet agizükertem nem senpet sen den külemi, medal aser Nobel kulikaket agütsür.

Aji oda, taküm 2015 küm asoshi Nobel sempet agütsütsü tenzüka, Medicine, Physics, Chemistry shilem indang Nobel sempet agütsüba densema, Nobel ludeni tan hopta tenzüker tanü tashi nung Nobel sempet 4 buba agütsür lir.