Svitolina o Zhang na WTA Elite Trophy semi-i iogo

Zhuhai, November 03 (Agencies): China tsür, Zhang Shuai aser Ukraine tsür, Elina Svitolina nati takok ngua, tang tasayadak WTA Elite Trophy tennis asayamong semifinal asayatsü jenjang tanü, Brehostibar nü ajangzükogo.
Tetsür World No. 28, Zhang-i tanü points 7-6 (2), 6-4 agi Hungary tsür, Timea Babos tsükdakja, lar Group nung temaba jenjang ngua, semifinal asayatsü jenjangji angu.
Tetsür tennis asayar tarensen nung World No. 14 jenjang abenla, Svitolina-ia points 6-4, 6-2 agi Russia tsür, Elena Vesnina madak takok ngua, tan asayamong semifinal asayatsü jenjang ajangzüka liasü.