Swachh Bharat-i state nung iba mission asadangdar

Kohima, June 23 (TYO): Drinking Water & Sanitation Ministry kübok Swachh Bharat Mission (SBM) nodal ministry-i Swachh Bharat Mission indang National Level nung asadangdar.
June 23 nü Aurora Restaurant Kohima nung osangbenertem den jembidang Sr. Manager, Field Operations, Centre for Media Studies (CMS), Ajay Kumar Singh-i, Khonoma, Jotsoma, Chiephobozou, Tuophema aser Botsa ama yimtsüngtem nung iba survey agiogo kong kibong 300 ayimjema liasü, ta metetdaktsü.
Iba survey agiba tongtibangtiba nükjidongji, SBM tem scheme balala ajanga nüburtem atonger asü masü, ibaji jangjatsü atema lir. Iba sülen taruba survey ji Mokokchung nung agitsü. Survey mezüngbuba shilemji June 30 nü tembangtsü sentong lir.
Iba survey agitsü atema Ministry-i (CMS) dang sorkar ketdangsertem, tesayurtem, ki kiburtem, osangbenertem aser lokti tentet lenirtem dang asüngdangyaa jembitsü tuyua lir. Iba survey agiba ajanga Swachh Bharat Mission mapatong tajungba akumtsü atema telemtetbatem agitettsü.