Swadeshi Samriddhi SIM cards

Tawa Yoga guru Baba Ramdev meyong Patanjali-i Swadeshi Samriddhi SIM card  tasen, Bharat Sanchar Nigam Ltd (BSNL) den külem sür tenzükogo. Iba sim card ya mezüng süa Patanjali nung inyakertem nem maongka agüja amshidaktsütsü aser iba sülen jiang customer nem SIM card alir shia nem Patanjali oset alidang noklang shilem nung 10 ajemer agütsütsü ta sangdongogo. Swadeshi Samriddhi SIM cards ya mezüng sen 144 agi recharge asütsü, iba jagi linük ajunga nung tanen makai jembitettsü. Iba den anogo nung internet data 2 GB den SMSes 100 tashi yoktettsüsa agütsütsü. Iba SIM card yagi medical insurance aser life insurance dena agütsütsü. Medical insurace-ji sen lakh 2.5 aser life insurance jenjangji sen lakh 5 tashi alitsü. Ajioda süaka item insurance-ji gari lendong asüba nung alitsü.