Swaraj Bir Singh Meghalaya DGP shimogo

Shillong, March 26 (Agencies): 1986 batch, Assam-Meghalaya cadre Indian Police Service (IPS) officer Swaraj Bir Singh Meghalaya indang Police tongtiba asütsü asoshi shimba, osang ka ketdangsertemi metetdaktsüogo.
Tang yimsü tesüdak Congress-i aniba Meghalaya United Alliance sorkari Hokolbarnü Singh state police chief asütsü asoshi shimba metetdaktsü.
Singh ya Punjabi nunger rongnungi Sahitya Akademi Award agizükba nisung ka lir. Home Department ketdangser kati ashiba agi, Chief Minister Mukul Sangma tekolak sür State Security Commission-i Singh shim. Iba shimshiba telok nung Assam-Meghalaya cadre nungi IPS officer 5 densema liasü.
“Iba mapa asoshi Singh tetemsüba ta ajiteta commission-i pa shim,” ta ketdangseri metetdaktsü. Sunil Kumar Jain mapa nungi anenba sülen 2016, October 31 nungi Singh khen atema Director General of Police ama inyaka arua liasü. Meghalaya Police Act, 2010 ajanga ashiba agi, officer-tem mapa nungi anentsü asoshi küm ka dang anunga aliba purtem dang iba mapa asoshi züngsemtsü.
Iba mapa asoshi IPS officer tenüngtem benoka asadangba nung, Central Bureau of Investigation Additional Director Y.C. Modi (1984 batch), Intelligence Bureau Joint Director P.S. Purohit (1985 batch) aser Raghvendra Awasthi (1985 batch), shiba tang Meghalaya nung Director General of Civil Defence and Home Guards lir, parnok liasü.