Swaraj-i Germany nung tesentaktep ken o jembitsü

New Delhi/Berlin, August 26 (Agencies): Tanü External Affairs Minister Sushma Swaraj Germany yimtiba, Berlin tongogo aser lai iba linük anogo ana semdangba mapang lai Germany lenirtem den rongsetkettsüng onük densema linük ana tsüngda tesentaktep tajungba akümtsü asoshi jembitsü.

Swaraj-i Germany Foreign Minister, Frank Walter Steinmeier densema par linük lenirtem den senden aika amentsü.

Swaraj-i anogo ananü Egypt linük semdangba mapang lai security, counter- terrorism, defence aser investment onük linük lenirtem den jembia liasü.

Taküm April ita nung Ato kilonser Narendra Modi-ia Germany semdanga liasü, aser iba mapang nungji linük ana tsüngda rongsenkettsüng nung amaliteptsü atema par linük den bangjemtepogo.

European Union nung India asoshi Germany ya shishilembaba partner mezüngbuba jenjang nung lir.

Yaküm India aser Germany na tsüngda Euro sen billion 15.96 shi shishilembaogo.

Tang Indo-German collaboration 1600 aser Indo-German joint ventures 600 shi lir.