Swatantra Raj Singh (Boxing Coach) nem Dronacharya sempet agütsütsü shimogo

Boxing Coach Swatantra Raj Singh nem ‘Dronacharya 2015’ sempet agütsütsü lemtetogo. Iba kasa sentong nungji Singh den ano Nihar Amin (Swimming) aser Harbans Singh (Athletics) nungera densema kasa ‘Dronacharya’ sempet agütsütsü shimtetogo ta August 14, 2015 nü metetdaktsüogo.
Iba sempet agütsütsü shimteter luden nungji taoba Olympic Badminton asayar Dipankar Bhattacharya tongti lenir sür tzüwar Bula Chaudhry aser tetsür Athlete asayar Chaini Wilson nungertem liasü.
Iba sempet ya Union Ministry of Youth Affairs & Sports-i agütsütsü aser iba sempet nungji Yongme yin agi yangluba ‘Dronacharya’ kerak yanglu, kuli kaket aser senpet sen Rs. 5 lakh angutsü.
Iba sempet ya asayaba mongien aser teshimtetpur nem agütsür aser ibai 1985 küm tenzük.