Swedish Gen. leniba nung UN-i India, Pakistan ceasefire line reprangtsü

United Nations, June 10 (Agencies): Sweden military ketdangser ka lenisüba nung United Nations mission-i Jammu & Kashmir nung India aser Pakistan na tsüngda ceasefire line reprangtsü.

Arishi küm 59 Major General Per Gustaf Lodin ya logistics mongin ka lir aser India aser Pakistan na nung United Nations Military Observer Group (UNMOGIP) atema Chief Military Observer aser Head of Mission expert asütsü atema UN Secretary General, Ban Ki-moon-i pa shim, ta UN osang ka ajanga ashi.

Maj Gen Lodin-i Ghana linük nungi Major General Delali Johnson Sakyi melenzüker, kechiyong pa kümsük, küm ana abensaogo.

UN Mission dak sentakba India-ibo UNMOGIP mapang talangka kaogo aser Simla Agreement aser Line of Control (LoC) latetba sülenbo iba ya mapet, ta ashir.

Major General Lodin ya 1978 küm Swedish Army nung aden aser tawa Swedish Armed Forces atema Procurement and Logistics Director shima liasü.

Iba mapa nung meshimdang pa Sweden National Armaments nung Deputy Chief aser Swedish Armed Forces nung Deputy Chief of Staff inyaka liasü.

Security Council-i 1971 küm Bangzüng 307 nung shia aliba agi, UNMOGIP-i South Asia nung kidanger linük ana tsüngda Jammu & Kashmir nung ceasefire temzüng alema inyakba repranga osang agütsütsü.

Taküm March 31 nü tashi nung UNMOGIP nung military observers 41, International civilian sepai 25 aser local civilian staff 47 lir.

United Nations regular budget ajanga observer tem senotsü agi yarir aser 2014-2015 küm atemaa US sen million 19.64 lemzüktsüogo.