Swift indang ‘Blank Space’ video ajanga 1 billion view tekaraba atong

July 07, 2015: Taylor Swift indang “Blank Space” ken video taoba November ita nung Vevo ajanga online sayaa liasü aser iba ken video ajanga one billion view tekaratiba nung tongogo.

Taoba mapang country kentener Swift-i iba osangji angashiba sülen la pelaba Twitter ajanga lemsatepogo.

“@Vevo nung Blank Space ajanga 1 billion view tekaraba tongtetogo,” ta lai la sülen anidaker nisung million 60 dang ashi.

“(Aser) Bad Blood ya hopta aembuba tashi pop radio nung temaba jenjang nung lir. Nenok dang kanga pelar,” ta arishi küm 26 kentener Taylor-isa ashi.

“Blank Space” ken ya yaküm November ita nung sayaa liasü aser Swift indang studio kensep 5 buba ‘1989’ nungi kanga takok ngutetba ken ka lir. Cinema medem music video ya Joseph Kahn-i direct süa liasü aser yaküm November ita nung Vevo nung sayaa liasü.

Tang Swift North American leg 1989 kensep world tour nung mazüngi lir. Iba kenten sentong ya taküm May ita nung tenzüka liasü aser December ita nung tembang.