Swiss missionary Beatrice Stockly indang video ka sayu

Bamaka, January 13 (Agencies) : Islamic kiralongrartemi pur aoba sülen küm ka lir Switzerland nunger missionary Beatrice Stockly-i la temang junga lir ta ashiba video tasembuba yimjak nung sayuogo.
Mongulbarnü al-Qaeda kübok Sahara division-i Twitter nung Beatrice Stockly indang video ji sayu, ta Middle East Monitor osang ajanga ashi.
Video nungji lai French oshi nung ola tanemi jembia lir aser lai ashiba agi, anogo 360 tashi Al Qaeda-i la Islamic Maghreb (Aqim) nung puoka lir.
Stockly-isa lar kibong aser Switzerland sorkar dang la atema mapa meranga inyakba atema pelaba shisem.
“Ni anema dang lir” ta laisa video nung shia lir.
Yaküm January ita Islamic Maghreb nung al-Qaeda-i video ka nung Stockly pur aoba atema tenüng agiba metetdakja liasü.
Mali nung tepuokdak balala nung Al-Qaeda züngsemtem aser The Hague nung parnok lennir ka chiok nungdang Stockly chioktsü ta al-Qaeda-i takhangba agütsü saka Switzerland-i telatetba kecha melii dang la chioktsüla ta meyiper takhangba agütsü.
Beatrice Stockly ya Swiss nunger nun ka lir aser lai Muslim nunger Khristan kümdaktsütsü asoshi Islam anema raratsü ta sangdong.
Arishi küm 50 tain Stockly ya Christian missionary ka lir aser lai Africa nung mapa inyaktsü tenzük.
2012 küm la Mali kübok Timbuktu nung jihadist temi mezüng apu aser iba mapangbo la hopta ana lir chioka liasü.