Swiss Open: Prannoy & Verma na prequarterfinal tongogo

Zurich, March 17 (Agencies): India nunger badminton asayar, HS Prannoy aser Sameer Verma nati takok ngua tang tasayadak Swiss Open Grand Prix Gold asayamong tebur singles prequarterfinal asaytsü jenjang yashi, Bodbar nü ajangzükogo.
Tan asayamong nung 13 buba jenjang abensang, Prannoy-i ghonda ka shi nung points 21-16, 21-13 ngua Germany nunger Lars Schaenzler tsükdaktsüba sülen Britain nunger 2010 Commonwealth Games silver medallist, Rajiv Ouseph den taruba asaya asayatsü lemzük.
Verma-ia points 21-19, 22-20 ngua China nunger Wang Zhengming madak takok ngua Thailand nunger Tanongsak Saensomboonsuk den taruba asaya nung ajurutsü jenjang angu.
Ajisüaka, tan asayamong nung 11 buba jenjang abensang, Ajay Jayaram-i points 21-23, 18-21 ngua Japan nunger Kenichi Tago nem kokdakja tan asayamong nung shilem magitettsüsa jenjang tamajung ajuruogo.
Tan asayamong nung 6 buba jenjang abenla, P V Sindhu-ia minute 31 nung points 21-19, 21-10 ajangzüka Ireland tsür Chole Magee tsükdaktsüba sülen Chinese Taipei tsür, Pai Yu Po den tetsür single prequarterfinal asayatsü jenjang angu.