Swiss Open: Saina o Praneeth na prequarterfinal tongogo

Basel, March 16 (Agencies): India’er badminton asayar, Saina Nehwal aser B. Sai Praneeth nati takok ngua tang tasayadak Swiss Open Grand Prix Gold badminton asayamong tetsür aser tebur singles prequarterfinal asayatsü jenjang tanü, Bodbar nü ajangzükogo.
Tetsür World No. 2. Saina-i tanü minute 33 nung points 21-7 21-15 ngua Germany tsür, Karin Schnaase tsükdaktsüba sülen prequarterfinal-i ai.
Lai Czech Republic tsür, Kristina Gavnholt den taruba asaya nung ajuruteptsü.
Praneeth-ia tanü minute 21 nung points 21-7 21-10 ngua Uzbekistan nunger Artyom Savatyugin madak takok anguba osang jangjaogo.
Tetenzükba asaya nung points 21-14 13-21 21-6 agi Switzerland nunger Mathias Bonny tsükdaktsüsang, Praneeth-i Chinese Taipei nunger Chou Tien Chen den asüng, Brehostibar nü asayatsü lemzükogo.
Tan asayamong nung 11 buba jenjang abensang, Ajay Jayaram-ia points 21-8 21-17 agi Malaysia nunger Jiann Shiarng Chiang tsükdaktsüba sülen taruba asaya nung Japan nunger Kenichi Tago den ajuruteptsü jenjang nguogo.
H S Prannoy-ia points 21-19 21-19 agi Finland nunger Kalle Koljonen koka Germany nunger Lars Schaenzler den taruba asaya asayatsü lemzüka lir.