Syed Modi International: Sindhu & Srikanth pre-quarterfinal-i iogo

Lucknow, January 25(Agencies): Mongolbarnü olympic nung silver medal angula, aser yaküm Syed Modi asayamong akoksang Kidambi Srikanth na prequarterfinal-i iogo. Syed Modi International Grand Prix Gold badminton tournament nung takoker nem sempet sen USD 120,000 agütsütsü.
Babu Banarasi Das Indoor Stadium nung tetsürtem asaya nung Sindhu-i, Anura Prabhudesai 21-9, 21-11 agi ayong ayonga akok. Tanga asaya ka nung Srikanth-i pa mezüng asaya nung külem India nunger asayar Lakhanee Sarang kangadang toktepba asayaba asaya ka nung 15-21 21-7 21-14 agi akok, iba sülen tanabuba asaya nung pai Malaysia nunger asayar Zulhelmi Zulkiffli 21-5 21-12 agi koka pa tasembuba round-i iogo.
Küm 21 tain Sindhu shibai yaküm China Open Super Series akok, la taruba asaya India tsür Lalita Dahiya den asayatsü, aser Srikanth taruba asaya nung Ansal Yadav den asayatsü. Ansal Yadav-i taoba asaya nung Pratul Joshi 18-21 21-16 21-16 agi akok.
Iba asayamong nung India nunger asayar tebur rongnungi H S Prannoy, Sourabh, Sameer, B Sai Praneeth aser Harsheel Dhani nunger ajak tasembuba round-i iogo.
Maneni iba asayamong nung nüngtugu asayartem Denmark nunger Hans-Kristian Vittinghus Anders Antonsen, Malaysia nunger Zulfadli Zulkiffli, Israel nungi Misha Zilberman aser Emil Holst nunger ajak pre-quarter tongogo.
Tetsürtem asaya nung Polish Open akokla Rituparna Das-i Nepal tsür Nangsal Tamang 21-5 21-6 agi kokogo. La taruba asaya Russia tsür Ksenia Polikarpova den asayatsü. Lai India tsür Riya Pillai 21-12 21-11 agi akok.
Spain tsür Beatriz Corrales, Indonesia nungi Hanna Ramadini aser Dinar Dyah Ayustine, nunger ajak iba asayamomg nung tanabuba round tongogo.
Teburtem double nung India nunger Manu Attri aser B Sumeeth Reddy nati Singapore nunger asayar Yong Kai Terry Hee aser Kean Hean Loh 15-21 25-23 21-14 agi tetenzükba asaya nung kokogo. Maneni tetsürtem double asaya nung India tsür Aparna Balan aser Prajakta Sawant aser Ashwini Ponnappa aser Sikki Reddy nunger ajak parnok asaya koker tanabuba round tongogo. Malaysia nungi Mei Kuan Chow aser Lee Meng Yean nata tanabuba round-i iogo.