Sylvester Stallone ajanga ni ajungmeso : John Abraham

New Delhi, August 10 (Agencies) : Hollywood superstar Sylvester Stallone ajanga pa taküm nung aika angazük ta John Abraham-i ashi.
“Sylvester Stallone ajanga kü taküm nung teyari tulu agütsü. Pa ya ni atema role model ka lir aser kü dak Stallone tila ka lir ama bilemer” ta John-i osangbener dang ashi.
Stallone ajanga pa Hindi film industry nung shilem agitsü tenzük, ta paisa shisem.
“Sylvester Stallone ajanga ni film nung shilem agitsü tenzükbaji nisung aikati memetet. Ni pa indang boxing film Rocky 4 reprang aser iba nung pai shilem agiba ajanga ni kanga ajungmeso” ta John-i ashi.
“Ni Stallone ama akümtsüla ta bilem aser temang touzük tudaktsütsü atema somomo achitsü tenzük. Iba mapang ni college tezüngdak liasü” ta paisa metetdaktsü.
John Abraham-i tang Force 2 film nung shilem tagidak lir. Iba film nung pai Sonakshi Sinha aser Tahir Raj Bhasin na den shilem agir.