Sylvester Stallone-i asür Tony Burton nem tetushi agütsü

Los Angeles, February 28 (Agencies) : ‘Rocky’ film nung pa den külemi shilem agir asür Tony Burton nem actor Sylvester Stallone-i tetushi agütsüogo.
Taoba Brihostibarnü Tony Burton arishi küm 78 nung lia asü aser ‘Rocky’ movie trok nung pai Apollo Creed indang trainer Tony ‘Duke’ Evers ama shilem agi.
Stallone-i Instagram nung asür Burton nem tetushi agütsü, ta mirror.co.uk. osang ajanga metetdaktsü.
“Rocky film trokprongla nung Tony Burton-i Duke ama shilem tajung agiogo. Anisüngzükang” ta Stallone-i ashi.
Rocky film nung Apollo shilem agisang Carl Weathers-ia Twitter nung Apollo bilemteta tetushi agütsüogo.
“Tejashitsü osang. Toni Burton anisüngzükang. Pai temulung agütsüba aser sempet ajanga Rocky movie tem takok tulu angu” ta Carl-i metetdaktsü.