Sylvester Stallone-i ‘Expendables’ telok toktsüogo

Los Angeles, April 1, 2017 : Action star Sylvester Stallone aser producer Avi Lerner na shisaobang majemba ajanga Stallone-i “The Expendables” telok toktsütsü telemtetba agiogo.
Stallone-i iba film shilem pezübuba asoshi sign asü asübo pai akümli piyong khen nung anguba sen dang timba, sen million dollar 20, ngula.
Aji oda süaka arishi küm 70 tain, Stallone-i film indang script aser visual effects atema CGI house shimba mapatem asoshi iba film produce asüsang aser director tasen ka den tenük o tenük na reprangtepa mesüra chitepa mejembiner, ta osangbenertemi metetdaktsü.
Stallone-i “The Expendables” film nung tongti shilem toktsüaka taküm küm ya pa asoshi kanga mazüngi aliba küm ka asütsü.
Pa May 5, 2017 nü sayatsü aliba “Guardians of the Galaxy Vol. 2” film nung denogo.
2015 küm pai “Creed” film nung Rocky Balboa shilem agiba nüburtemi kanga sapua liasü.