Sylvester Stallone-i Salman Khan’er ‘Sultan’ nung shilem agitsü akok

October 18, 2015: Anogo ishika tejaklen Hollywood superstar Arnold Schwarzenegger-i India film ka nung shilem agitsü ta osangkakettem nung nguogo, aser tang ‘Rambo’ Sylvester Stallone-ia India nunger film nung shilem agitsü ta jembidar.
DNA osang ka ajanga ashiba agi, Hollywood actor-director Stallone-i Bollywood actor Salman Khan den külemi shilem agitsü.
Tamalen Stallone aser Salman nati twitter ajanga osang aika sangdonga liasü, aser Stallone-i Salman den külemi shilem aginüba lemsatepogo.
Tenati YRF indang film ‘Sultan’ nung shilem agitsü ta olulu jembidagi. Ano iba film asoshi Stallone-i Salman Khan nem training agütsütsüa akok.
Item olulu ya atangji süra jangratemtsüka asütsü.
‘Sultan’ film ya Ali Abbas Zafar-i direct asütsü aser iba ya film sangküm sayatsü imlar.
Iba film nung Salman-i melangteper ka ama shilem agitsü.