Sylvester Stallone’er jala asem Miss Golden Globe 2017 külemi shim

November 11, 2016: Catch LA, West Hollywood, California nung 2017 Golden Globe awards season atema sangdongba HFPA & InStyle Celebration nung Sylvester Stallone’er jala asem 2017 Miss Golden Globes shimba sülen Stallone aser jalatem- Sistine Stallone, Sophia Stallone aser Scarlet Stallone nunger den külemi tangokba noksa nung angur. 

November 10, 2016 : Golden Globes nung Sylvester Stallone’er jala asem Scarlet, 14, Sistine, 18, aser Sophia, 20 nunger 2017 Miss Golden Globe award angu.
Brihostibarnü Hollywood Foreign Press Association (HFPA) Tir, Lorenzo Soria-i tan mezüngsüa aiür asemi iba award angutsü osang metetdaktsü. Catch, West Hollywood nung star tem aika adenshia lia sentong ka ajanga iba award lemsatep.
Iba sentong nung Sophia Stallone-i, “Lorenzo aser Hollywood Foreign Press-i onok Miss Golden Globe 2017 shimba atema aser iba maongka tajung anguba atema ozü tsüraburtem nem ozü aianü asem tenüng nung ni kanga pelaba metetdaktsür,” ta ashi.
Tebu Sylvester-ia best supporting actor Golden Globe angu. Sempet agütsüba mapang red carpet nung parnok aianü asem kanga junga renemteter arua adenba ajanga nüburtem ajaki kanga sapua reprangtep.
Par asema tanga Hollywood legend tem jala aser jabasotem — Dakota Johnson, Laura Dern aser Melanie Griffith — tsüngsü nung jajatsü.
Scarlet, Sistine aser Sophia nunger nem kechisarena nung takok angurtem acha ayangtsü mapa lemzüktsüogo.
Miss Golden Globe 2016 Jamie Foxx’er jala Corinne liasü.