Syria nübur 20 shi tepsetogo: SOHR

Beirut, June 08 (Agencies): Syria sorkar mitkartemi par tayimtsü amshia Syria northwest tsütsü Idlib province nung bomb tsüdakja tanü Hombar nü amakba osang jangjaogo.
Tanü amakba lendong nung tila tanur 5 densema ishiba agi nübur 20 shi tepsetba osang jangjaogo ta nübur temeten asoshi nokdakba tongti telok kati metetaktsü.
Tanü amakba maparenji Syria sorkar anemertemi agir aliba Al-Janudiyah jila nung inyakba osang jangjaogo ta Britain nung tentetba Syrian Observatory for Human Rights (SOHR) teloki ashi.
Kasa lendong nung nisung 10 dak tema yiruba osanga tang tashi nung jangjateta lir ta par teloki shisem.