Syria nung temelenshi tulu bener arutsütsü: Putin

Moscow, May 11 (Agencies): Russia aser US na densema, alima tashi abenba linüktem rong nung amalitep aliba ajanga Syria nung temelenshi tulu bener arutsütsü imlaba olen ka Russia Tir, Vladimir Putin-i metetdaktsüogo.

“Ozü Russia-i alima tashi abenba linüktem den aroki amalitepa inyakba ajanga Syria nung temelenshi tajung bener arutsütsü imlar. Ozü Russia-i US den külemi lungjemer Syria nung tongpang meraratsü tezüngzüktep agidaktsüogo saka Syria nung tangasa tensa mejungi lir,” ta pai ashi.

Paisa ashiba agi, Syria’er mitkar jenjang tajungba kümdaktsütsü asoshi teinyaktsü jenti anünga lir saka tongtipangtibaji Syria’er mangatettepbaren agiena yimtenren tebentettbaren bener arutsütsü khuret lir.

Ano külen, yaküm 2015 küm September ita nungi tenzüka Russia mitkartemi par tayimtsü amshia Syria nung tentetba kiralongrartem anema takok ngua raraba atema pelaba olen ka Putin-i metetdakja liasü.