Syria nunger ‘war jet’ ka Turkey arrtsülen tsükok

Damascus, March 05 (Agencies) : Honibar aonung Syria nunger indang ‘war jet’ ka Turkey arrtsülen mita aodang iba tesem nung tsükok, ta linük TV osang ajanga metetdaktsü.
Iba raradang amshiba tayimtsü anisangi tayimtsüji mazüokteti Syria arrtsü nungi kilometre 35 pilar aliba central Antakya nung Honibar aonung tsükok, ta osangbenertemi ashi.
Tayimtsü anisangji ‘ejecter’ amshia kecha lendong melii tayimtsü nungi jokteta adok ajisüaka pa ali nung lua anendang ang tera yiru.
Pa ya Turkey nunger rescue team-i tayimtsü tsükoker külen gondha 9 shi lir Deobar anepdang Hatay province nung angu.
Pa kanga aniseter lia tayimtsü tsükokba tesem nungi kilometre 40 pilar angu.
Syria nung opposition telok ka, Ahrar al-Sham-i Honibarnüa Syria indang tayimtsü ka khazüka yokogo ta metetdaktsü. Iba tayimtsüji Syria anüdoklentip tsütsü aliba Idlib province nung tapoktsü poklokja liasü.