Syria senden anogo 2 shi thinentsü akok: Kerry

Davos, January 21 (Agencies): Syria nung tongpang raraba anenja mangatettep adoker Syria sorkar aser sorkar anemer na tsüngda yimjung tezüngzüktep agitsü ajungshitsü asoshi ayongba yimjung senden anogo 1 mesüra 2 shi thinentsüsa akümtsü akok ta US Secretary of State, John Kerry-i tanü Brehostibar nü metetdaktsüogo.

“Yimjung senden nung shilem agirtemi memulungba yong masü saka iba senden ayongtsü den sentakba maparen metembangtetba ajanga yimjung sendenji anogo 1 mesüra 2 shi thinentsüsa akümtsü akok,” ta pai osang jangjashitsü.

Geneva nung taruba Hombar nü amentsü ayongba Syria yimjung senden anitsü shimsang, United Nations (UN)’er Syria envoy, Staffan de Mistura dena Kerry-i tanü ajurutepa senden ka amenba osang angazükogo.

Kerry-i yashi, Bodbar nüa Russia Foreign Minister, Sergei Lavrov den ajurutepa Syria yimjung senden den sentakba senden ka mena liasü.