Syria tongpang atsülangshia aotsü: Assad

Beirut, September 22 (Agencies): Syria nung tongpang rarabaren manentsüteti kasaji atsünglangshia aotsü olen ka Syria Tir, Bashar al-Assad-i tanü, Brehostibar nü metetdaktsüogo.
“Alima linüktemi Syria tongpang nung shilem agi tashibo Syria tongpang manentsütettsü aser kasaji mapang talangba agia, atsünglangshitsü,” ta pai ashi.
Küm 5 tejaklen nungi tenzüka Syria nung tongpang rarabaren nung Assad-i aniba Syria sorkar aser par telok pusemer, Russia, Iran aser Arab Shiite Muslim telungpurtem telok ka aser Syria sorkar anemer Sunni Muslim teloktem aser parnok pusemer US, Turkey aser Gulf Arab linüktem telok tanga ka küma lir.
Syria nung tongpang raratsü tenzükba jakdang par nütsüng yongsük nisung million 22 shi liasü saka tanübo par nütsüng yongsükji million 22 tesadang ka shi dang akümba osang bushiteta lir.