Syria & Yemen na den sentakba onük benoka jembitsü: UNSC

United Nations, April 02 (Agencies): United Nations Security Council (UNSC)-i Syria, Yemen, aser Middle East nunger den sentakba onük tan April ita benoka jembitsü sentong renemba osang ka China-i tanü, Honibar nü metetdaktsüogo.
UNSC nung teti asoshi züngsemba linük 15 rong nung UNSC Tir menden ya ita shi melentepa abener aser China-i tan April ita nungi tenzüka Tir menden abendang Syria, Yemen aser Middle East nunger den sentakba onüktemji benoktsü renemer lir.
“Syria den sentakba yimtenren tebentetbaren bener arutsütsü, tongpang nung chemical oset amshiba aser timtem toushi ajurushia alir nem nungdakba teyari oset agütsütsü onüktem benoka jembitsü asoshi sentong renema lir,” ta UNSC Tir tasenba, Liu Jieyi-i osang jangjashitsü.
Yemen nung mangatettep adokba teloktem rong nung taoba mapang agiba ama, yimjung tezüngzüktep asangsang nung mapa küma inyaktsü asoshi tapet teloktem ajungshitsü sentong renemba olen ka pai lemsatep.
“Middle East, kiralongrar anema raratsü aser Gulf of Guinea nung ozüng alema inyakba onüktema tan April ita benoka jembitsü alizüng yua lir,” ta Liu-isa metetdaktsü.