Syria yimjung tezüngzüktep agir 1 buba hopta nung 135 süogo: SOHR

Beirut, March 05 (Agencies): Syria Tir, Bashar al-Assad-i aniba Syria sorkar aser sorkar anemer na tsüngda yimjung tezüngzüktep agir mezüngbuba hopta nung yimjung tezüngzüktep agiba tesemtem nung nisung 135 tashi asüba osang ka Syrian Observatory for Human Rights (SOHR) teloki tanü, Honibar nü metetdaktsüogo.
United Nations (UN) den yaritepa, US aser Russia nati ayonger külen Syria sorkar aser sorkar anemer na tsüngda hopta 2 tashi merarai yimjung nung alitsü tenzüngzüktep taoba February ita 27 nü agi.
Ano, yimjung tezüngzüktep magiba tesemtem nung tongpang balala raraba ajanga ishiba agi nisung 27,552 shi asüba osang bushitetba olen ka Britain nung tentetba SOHR telokisa metetdaktsüogo.