Syria:Russia-i amakdang nisung 11,612 süogo

Damascus, March 30 (Agencies) : Syria nung Russia-i amakba mapang tajemba agi nisung 11,612 shi süogo. Iba rara ya September 2015 nungi tenzük, ta UK nung amenoka aliba rara asadanger telok kati Brihostibarnü metetdaktsü.
Item tasürtem rongnungji tetsür 714 den tanurtem 1,201 dena, tajemba agi civilian nisung 5,013 densema lir, ta Syrian Observatory Human Rights (SOHR)-i bendenba data nung shia aliba osangbenertemi metetdaktsü.
Russia-i anüng nungi amakdang tajemba agi Islamic State (IS) kiralongrartem parnok nisung 3,284 shi tepsetogo.
Iba den külemi sorkar anemer aser Islamist telok balala nungi tajemba agi parnok nisung 3,315 shi bomb agi poksetogo, ta SOHR-i metetdaktsüdang, Russia-i aiben apoba bomb (cluster bomb) tem dena amshiogo, ta shisem.