Syria:US-i aniba teloki anüng nungi amakdang nisung 15 asü

Damascus, April 9 (Agencies) : Honibarnü US-i aniba teloki Raqqa anüdoklentip tsütsü anüng nungi amakba mapang tajemba agi nisung 15 asü, ta rara asadanger telok osang ka ajanga metetdaktsü.
Haideh jila nükjidongser anüng nungi amakba mapang tanur pezü aser tanur tetsü ka dena asü, ta Syrian Observatory for Human Rights-i ashiba osangbenertemi metetdaktsü.
Iba amakba mapang civilian nisung 10 shi asü.
Taoba itaa Mansura jila nung US-i aniba teloki school ki ka amakdang nisung 33 asü aser aika pei aliba tesem toktsür jenshi, ta parnokisa ashi.