T.R Zeliang-i Ahuna salem abener

Dimapur, November 13 (TYO) : Nagaland Chief Minister, T.R Zeliang-i Sumi nunger den Ahuna benjungmung salem metetdaktsü.
Ahuna benjung ya alu junga aruba atema tenüngsang agütsüba benjung ka lir aser iba mapang nungsa Küm Tasen atema temoatsü meshir. Iba benjung nung anisüngzükba, jangra atemba aser benjungtepba nung dang mapang meindoktsüla, saka lanu putu dang asen sobaliba takar indang metetdaktsütsü atema shisatsü agütsütsüla, ta Media Cell, Chief Minister’s Office, Nagaland sangdong ka nung metetdaktsü.
Iba benjung amungba ajanga asenok tashi itshitsü aser asenok tejakleni aotsü atema kati ka ajungshitepba mapang ka asütsü imlar, ta chief minister-isa shisem.