T.R. Zeliang-i Kohima District indang NPR Updation mapatong tenzüktsüogo

Dimapur, October 01 (TYO): Nagaland Chief Minister, T.R. Zeliang-i Kohima District indang National Population Register (NPR) jangjashia kasaji inoksemtsü aser NPR database nung Aadhar osang inoksemtsü mapatong par kidang, Kohima nung tanü Brehostibar nü tenzüktsüogo.
Tanü sentong nung Joint Director, Registrar General of Citizen Registration, Government of India, Ministry of Home Affairs New Delhi, D.K. Dey; ADC Kohima, Lithrongla Tongpi-i anir Kohima district ketdangsertem aser Census Department nungi ketdangsertemi shilem agia liasü.
India linük ajunga nung nütsüng yongsük ainba aser ibaji ajanga linük ajunga nung terenlok aliba osang jangjashitsü nükjidong nung iba mapatong ya India linük ajunga nung inyaktsü tenzüka lir.
Nagaland nunga iba sentong ya tan October ita 1-31 nü tashi agitsü sentong renema lir.
Tesülen, ADC Kohima-i School-tem nung NPR updation mapatong inyaktsü sentong T.M. Government Higher Secondary School, Kohima nung tenzükja liasü.
Iba mapatong indang mezüngbuba shilem inyaktsü asoshi Kohima nung tentetba school 5 tashi shimteta lir.

You must be logged in to post a comment Login