T.R. Zeliang-i Open Badminton Championship lapoktsütsü

Dimapur, July 31 (TYO) : Chief Minister, T.R. Zeliang-i Yonex-Sunrise, 39 buba Nagaland Inter District & State Open Badminton Championship 2015 District Sports Council Stadium Zunheboto nung August 4, 2015 nü anepdang 10:00 ako nung lapoktsütsü aser Parliamentary Secretary for Jails, Science & Technology, S. Hukavi Zhimomi tetushi tejaoker asütsü.
Iba sentong nung Zhekugha Assumi, Co-convenor, Organising Committee menden ser Niholi Shohe, Academic Dean, NTC-i temoatsü meshia sarasademtsü, DC Zunheboto aser Temsu Longkumer, Chairman, DSCZ & Convenor organisation committee-i tepela o jembitsü, Minister, R&B, Y. Vikheho Swu-i Tir o jembitsü aser Kheshepu K. Shohe, Home Evangelist SBCZ-i temeja ken ka atentsü.