T.R Zeliang-i Tokhu Emong salem abener

Dimapur, November 5 (TYO) : Nagaland Chief Minister, T.R Zeliang-i Lotha nunger den Tokhu Emong salem metetdaktsü.
Tokhu Emong ya aluruba sülen amungba benjung kalir aser iba mapang Tsüngrem nem tenüngsang agütsür. Iba benjungmung mapang kija aser teloktem tsüngda tesentaktep akangshir, tatok agütsüteper maser putepshir, ta Media Cell, Chief Minister’s Office, Nagaland-i sangdong ka nung metetdaktsü.
Iba benjung amungba ajanga nübortem tsüngda telongjem adoktsü aser temeim osang prokshitsü imlar, ta sangdong nungsa shia lir.