T20 Series: Zimbabwe-i Bangladesh akok

Khulna, January 20 (Agencies): Zimbabwe teloki runs 31 agi Bangladesh madak 3 buba asaya nung takok anguba yong par Zimbabwe teloki Bangladesh den tang tasayadak asaya 4 densemba Twenty20 (T20) series nung maneni toktepa shilem agitsü jenjang tanü Bodbar nü nguogo.
Opener, Sibanda-i ball 33 nung runs 44 aser Waller-i ball 23 nung runs 49 yangluba densema, par Zimbabwe teloki ajak agi runs 187 yanglu.
Ajisüaka, Sabbir Rahman-i ball 32 nung runs 50 agiba densema, par Bangladesh teloki ajak agi runs 156 dang yangluba yong par Bangladesh-i tanü asaya nung tamakok ajuru.
Taoba asaya 2 nung tamakok angur, Zimbabwe-i Bangladesh telok 4 buba aser tatembang series asaya tan January ita 22 nü asayatsü.

You must be logged in to post a comment Login