T20I Rankings: Kohli tanga temaba jenjang nung lir

Dubai, September 10 (Agencies): Tan tesüsa adoktsüba alimar Twenty20International (T20I) batsman tarensen nung India nunger batsman mongin, Virat Kohli tanga temaba jenjang nung aliba osang jangjaogo.
Kohli-i ajak agi points 820 ajangzüka, temaba jenjang nung lir aser pa sülen anidaka, Australia nunger Aaron Finch-i points 771 ajangzüka 2 buba jenjang ngua lir.
Australia nungersa, Glenn Maxwell-i temaleni jenjang 16 tashi atutsü maongka ngua, pai ajak agi points 763 ajangzükba sülen pa tang 3 buba jenjang tongogo.
Australia teloki tawa points 2-0 agi Sri Lanka madak takok ngua asayaba asaya 2 densemba series asaya nung runs 145 aser 66 tashi yanglua kanga junga asayaba sülen Maxwell-i Pakistan nunger Shahid Afridi aser Bangladesh nunger Shakib Al Hasan na den temaba jenjang ngua, T20I all-rounder asayar tarensen nung temaba jenjang nguogo.