Tabu-i Allu Arjun den Telugu film tangok tenzükogo

Hyderabad, July 24 (Agencies): Actress, Tabu-i Telugu film nung shilem agir küm ter sülen maneni Telugu film nung shilem agitsü; lai Allu Arjun den film tasenba nung shilem agitsü.
Bodhbarnü film yanglurtemi iba film nung Tabu aniokba indang video ka sayaogo. Iba video nungji Tabu-i film nung shilem ka agitsü atema renemshiba indang noksa lir.
Osang angazükaba agi, Telugu film tasenba nungji Tabu-i Arjun tetsü shilem agitsü aser film nüngjaji “Naana Nenu” asütsü.
Iba film nung director Trivikram Srinivas-i tang agi tasembenbuba Arjun den külemi inyaktsü. Tamalen “Julayi” aser “Son of Sathyamurty” film na nung tenati külemi inyaka aruogo.
Arjun aser Tabu nati iba film nung shilem külemi agitsü osangji yaküm December 31 nü Arjun-i Twitter ajanga sangdonga liasü.
“Ni iba osang ya officiall süa sangdongtsü yongyaa liasü. Kü indang taruba film #AA19 nung Trivikram garu den külemi inyaktsü. Allu Arvind & Radhakrishna garu nati iba film produce asütsü,” ta Arjun-i sangdonga liasü.
Arjun indang tesüsabuba film ji “Naa Peru Surya Naa Illu Indiaa” liasü aser film yanglur Sukumar den-a film ka atema tezüngzüktep agiogo. Iba film ji taküm sayatsü.